Во Скопје се одржа меѓународниот настан SHARE 2017

Во организација  на  Pro Event Association во соработка со Асоцијацијата на архитекти на Македонија, Асоцијација на архитекти на Косово, Албанската асоцијација на архитекти , како и Комората на архитекти во Бугарија, вчера во хотелот „Мериот“  се одржа меѓународниот настан SHARE International Architecture Forum.

Идејата на настанот беше да ги собере на едно место регионалните и светските водечки имиња  во полето на архитектурата кои ќе ги презентираат сопствените искуства и реализации низ призмата на современите материјали за ентериерно и екстериерно обликување, за кои беа поканети и гости од водечките производители  Sisecam Flat glass, Аgrob Buchtal, Knauf Insulation, Velux, Alumil…

На настанот говореа видни имиња чии проекти  се меѓународно наградени ( Iconic Awards, Wan Awards, Architizer a+ award, Mies van der Rohe Awards, World Architecture Festival,  MIPIM, German Iconic Awards, World’s Best International Highrise Architecture -International Property Awards, European Property Awards, Aga Khan Award for Architecture .)

По свечените говори на претседателите на организацијата и асоцијациите  со кои се отвори настанот, преку презентации се претставија архитектите: Керем Јазган (Yazgan Design Architecture), Johannes Baar  – Baarenfels(Baar-Baarenfels Architekten ),  Ангел Захариев (A&A ARCHITECTS OOD), Џузепе Фарис (Studio Farris),Пако Радовановиќ (РАДО Инженеринг Скопје), Јана Гугуловска (RADiUs Architects),  Ѓорѓи Мојсов (ГМС), Илир Мурсели(MA+P) и  Бесиан Мехмети (БМА) .

@ dezeen.com

Настанот се заокружи со специјалниот гостин, архитектот Maurizio Meossi, senior Associate of Zaha Hadid Architects кој ги сподели искуствата стекнати преку резиденцијалниот комплекс CityLife Milano.