МАРХ

Признанија за четвртата година МАРХ Македонска архитектура

25.11.2018 • Информации

Веќе традиционално за роденденот доделуваме благодарници  или признанија за изминатата година, на луѓето кои придонесуваат кон промоција на домашното градителско наследство  во рамките на Македонија и надвор од неа.

Бевме сведоци на неодамнешното интернационално претставување на југословенската архитектура, во која значајно место зазема и домашната сцена. „Кон бетонска утопија: Архитектурата во Југославија 1948-1980“  беше насловот на изложбата организирана во престижната МОМА, во Њујорк, каде на достоен начин беше преставено модерното и постмодерното наследство на Македонија.

Од Македонија, членови на кураторското советодавно тело на истражувањето и изложбата беа архитектите Владимир Десков, Ана Ивановска Дескова и Јован Ивановски, кои години наназад придонесуваат кон документирањето и архивирањето на она што е гордост за домашната сцена, воедно активно учествувајќи во образованието на студентите, нивното анимирање и вклучување во проекти од сличен карактер.

Затоа оваа година, одлучивме на овој тим, да му доделиме признанија за исклучителниот придонес кон промоцијата на македонската архитектура. Честитки! 🙂