МАРХ

“Choice “ / Feydom

11.07.2016 • Ентериер и мебел

Бренд и производител: FEYDOM

Тип на мебел: модуларен сет на елементи

Автори/дизајнери: Филимена Радоњанин, Зоран Радоњанин

Година: 2015

Choice е модуларен сет на елементи, од кои можете да составите мебел по ваша потреба. Идеално се замислени елементите и нивното димензионирање со што ви даваат неограничен број на комбинации.  Совршен за архитекти и решавање на малите простори.

Овој модел учествуваше на повеќе саеми од неговото официјално пуштање во производство и веднаш наиде на позитивни реакции. Истиот беше влезен во селекција за наградата „Interior innovation“ на саемот за мебел во Келн 2015,  како и тековната номинација за „German Design Award“, што зборува многу за нивото на дизајн и квалитет. Скопската јавност моделот го виде на последниот Скопски саем за мебел.

На страната на FEYDOM,  од овој модел ви се предложени три комбинации на елементи и сетови на Choice, но покрај нив, имате можност сами да одберете што сакате да купите и сами да составите гарнитура по своја мерка.

Choice 1

Choice 2

Choice 5

Од страната можете да ги симнете спецификациите  на моделите и елементите, како и техничките цртежи за да ги употребите во своите проекти. Конфигураторот ќе ви помогне да ги визуелизирате достапните бои на микрофиберот, кој веднаш ги „монтира“ на посакуваниот модел.

Feydom е македонски бренд, кој во моментов е лидер во светот на тапацираниот мебел од секој аспект во Македонија.  Производството, дизајнот и менаџирањето на овој бренд се случува во нивниот објект во скопската индустриска зона Визбегово, а скоро секој производ е добитник на престижни награди на највисоко светско ниво.

Feydom полека го освојува и европскиот пазар каде може да се најдат брендирани салони во Шпанија, Германија, Словенија, Србија, Полска, Малта итн.

Ф.К