МАРХ

Петта годишна средба на архитекти и архитекти урбанисти | 20–21 ноември 2026, Битола

05.11.2026 • Информации

Архитектурата отсекогаш била професија што ја замислува иднината. Денес, таа е исправена пред потребата да ја преиспита сопствената улога во неа.

Под насловот THE ARCHITECT, REDRAWN, Петтата годишна средба на архитекти и архитекти урбанисти го поставува архитектот во центарот на разговорот.

Во време на вештачка интелигенција, дигитализација, климатски промени и нови општествени потреби, се менуваат не само алатките и процесите на проектирање, туку и очекувањата од архитектонската професија.
Темата отвора простор за размислување за архитектот како автор, истражувач, стратег и иноватор, но и за неговата одговорност кон човекот, просторот и општеството.

THE ARCHITECT, REDRAWN е покана за редефинирање на професионалниот идентитет, повторно исцртување на границите на архитектурата и критичко преиспитување на нејзината иднина.
Затоа што прашањето повеќе не е само каква архитектура ќе создадеме.

Прашањето е каков архитект ќе биде потребен за светот што доаѓа.

Извор >>>