МАРХ

32 Салон на урбанизам, Ниш

30.08.2023 • Од регионот

Салонот на урбанизмот е традиционална манифестација која се одржува еднаш годишно во Ниш, Република Србија. Здружението на урбанисти на Србија прави осврт на најзначајните достигнувања од областа на просторното и урбанистичкото планирање, проектирање и реализација. Покрај учесниците на салонот од територијата на Република Србија, можат учествуваат архитекти и урбанисти од странство, вклучувајќи ја и Република Северна Македонија.

Овогодинешниот Салон, 32 по ред, ќе се одржи од 8 до 11 Ноември во Научно – технолошкиот парк во Ниш. Покрај стандардните категории од урбанистичкото планирање (просторни, генерални, детални урбанистички планови), може да се учествува и со истражувачки студии, публикации, неостварени урбанистички идеи и студентски трудови.

Рокот на пријавување е 6 Октомври 2023 година, а рокот за доставување на трудовите е 20 Октомври 2023 година. Со цел да се промовира меѓународниот карактер на Салонот, за учесниците од странство има посебни поволности. Повеќе информации во однос на пропозициите, составот на жири-комисијата и потребната котизација можете да добиете на facebook страницата на организаторот на следниов линк.

или на официјалната web страница: http://www.uus.org.rs/