МАРХ

Town House / Радо Инженеринг

26.11.2019 • XXI век

Автори: Пако Радовановиќ, Арсенија Поповска Радовановиќ, Ѓоко Радовановиќ, Стефан Матески

Година: 2019

Локација: Скопје

Површина: 850м²

Фотографија: Васе Аманито

www.rado.com.mk

Објектот е градска куќа, сместена во близина на централно градско подрачје, во опкружување од ниска станбена стуктура на објекти.

Околностите создадени од урбанистичките параметри и барањата на инвеститорот, сугерираа потреба од поголема зелена површина, која, во недостаток на двор, е надокнадена со интерполирање на градина на кровот на објектот.

Куќата се состои од две станбени единици на засебни нивоа со заеднички влез и комуникации. Секој од становите располага со добро димензионирани основни станбени содржини, како дневен престој со трпезарија и кујна од отворен концепт, три спални соби и тоалети.

Во подкровниот простор е сместен мал спа центар, надворешен простор за забава, опкружен со кровна градина. Подрумскиот простор ги прифаќа неопходните технички содржини, како и гаражирањето на неколку автомобили.