MOOD WORKSHOP – Tbilisi Architecture Biennial

17.12.2021 • Урбана опрема

Ментори: Сара Симоска, Илија Стефановски

Rhino expert: Кристијан Ристоски

Студенти: Тамари Кенчошвили, Анастасија Ристеска, Доган Чорба, Зизи Адемиа, Анастасија Радовановиќ, Наташа Димова, Елена Немсаџе

Изведувачи: Матеа Мијановиќ, Митко Дамјановски, Кирил Величков

Фотографии: Борис Јурмовски

Во дворот на основното училиште Петар Поп Арсов во Скопје, неодамна се постави урбаната интервенција MOOD Workshop од МЕЛЕЕМ Скопје која што е дел од проектот Архитектонско Биенале Тбилиси – „Што имаме заедничко?“

Овој проект е соработка помеѓу четири града: Скопје, Тбилиси, Киев и Берлин. Проектот има за цел да истражи што имаме заедничко помеѓу овие градови, но и што имаме заедничко во јавниот простор?

Проектот е создаден за време на 7 дневна онлајн работилница каде учествуваа студенти по архитектура од Скопје и Тбилиси. За време на оваа работилница подетално се разработуваше темата MOOD, или какви расположенија јавните простори предизвикуваат кај нас?

Интервенцијата која е резултат на проектантскиот процес, е работена како параметрички дизајн, што е прва примена на истиот во јавен простор во Македонија. Изработката на локација траеше 3 недели, со оглед на сложеноста на проектот.

Проектот е кофинансиран од програмата на Европска Унија Креативна Европа и Министерството за култура на Република Северна Македонија.