Лекција за урбанистичко планирање – меѓународен конкурс / Резултати од конкурсот за населбата „Велје брдо“ во Црна Гора

14.04.2026 • Информации Од регионот Урбанизам

Темата за урбанистичкото планирање во Македонија и краткогледоста на македонските локални власти ја обработуваме постојано. Инсистирањето за конкурси кои дефинираат архитектонско-урбанистичка визија се уште се далеку од нашите навики. После победата на иницијативата на МАРХ, граѓанските здруженија и дел од професионалната јавност за Расадник во Кисела Вода, организација на друг конкурс од сличен карактер не видовме. Но и од овој конкурс, не видовме сеуште преточување во реален урбанистички план и стратегија како овој простор да биде решен во еден потег – манир, кој ќе направи идентитет на просторот, наместо индивидуално делување на инвеститорите по принципот – секој што сака прави на својата парцела.

По којзнае кој пат, споделуваме пример од Црна Гора, која не прави повеќе компромиси на оваа тема и постави стандард за размислување.

Министерството за просторно планирање, урбанизам и државен имот на Црна Гора имаше распишано Меѓународен конкурс за урбанистичко-архитектонско идејно решение за Блок А1, во рамки на првата фаза од реализацијата на населбата „Велје брдо“.

Предмет на конкурсот беше изработка на урбанистичко-архитектонско идејно решение за Блок А1, во рамки на првата фаза од реализацијата на населбата „Велје брдо“, со вкупна површина од 61.356 м², кој се простира на дел од катастарска парцела 387/1 КО Велје брдо. Освен тоа, предмет на конкурсот беше и изработка на идејно решение за собирна сообраќајница која го опслужува предметниот блок, со што ќе се овозможи пристап до локацијата од главниот Булевар „Велје брдо“.

На 14ти април, страната насловена како „Архитектонски конкурси“ ги објави резултатите од меѓународниот конкурс, каде се презентирани победничките решенија. Очигледната транспарентност кон домашната и меѓународната јавност овозможува да ги погледнете сите пристигнати решенија и да ги споредите наградените решенија.

Добитници на награди и откупи:

o I награда

Шифра на труд: 24542
Износ: 100.000,00€
Автори:
· Дејан Милановиќ
· Гроздана Шишовиќ

Соработници:
· Мина Софрониевиќ
· Мартина Лукиќ
· Бојана Пузиќ
· Александар Петровиќ
· Милан Савовиќ

Држава: Србија