МАРХ

Меѓународен конкурс за идејно решение за шеталиштето во Будва

04.12.2022 • Информации

Општина Будва во Црна Гора, распиша меѓународен, општ, едностепен и анонимен конкурс за изработка на идејно урбанистичко – архитектонско решение за шеталиштето во делот на „будванската школка“, и потегот Будва – Бечичи како прва фаза.

Конкурсната задача го опфаќа делот од општината, кој претставува центар на културни, забавни и информативни случувања. Конкурсот во себе интегрира акваториум, плажа, зелен појас и шеталиште.

Основната цел на конкурсот е идејното решение да претставува основа за разработка на главен проект, кој ќе следи по изборот на прво наградениот труд. Желбата е да се создаде еколошки одржлив простор кој со својата содржина и изглед допринесува во културниот и туристичкиот развој на Будва, кој истовремено ќе го почитува градителското наследство и радикално ќе го измени режимот на користење во зоната на крајбрежјето создавајќи јавен простор, со зголемен капацитет на постојното и врската со Бечичи.

Распишувачот на конкурсот, се потрудил да обезбеди предизвикувачки награден фонд и тоа:

1 награда – 120.000 евра;

2 награда – 60.000 евра;

3 награда – 30.000 евра;

2 откупа од 5.000 евра.

Сите детали за повикот побарајте ги кај изворот >>>