SOFT SPACES / 4-та летна школа за архитектура и дизајн при UACS

13.09.2016 • Информации

Во периодот од 25-ти јуни до 2-ри јули, традиционално во Охрид по четврти пат се одржа меѓународната летна школа за архитектура и дизајн, во организација на Факултетот за архитектура и дизајн при Универзитетот Американ Колеџ – Скопје.

Карактеристично за овогодинешната летна школа е тоа што истата овозможи студентите да се запознаат со швајцарскиот пристап и метод во архитектурата, кoj беше обезбеден од страна на познатото швајцарско студио HHF Architects.

На темата ,,Soft spaces’’ учествуваа 30 студенти од 5 различни универзитети, предводени од Tilo Herlach, Simon Hartmann, Simon Frommenwiller (HHF Architects) и Kreshimir Rogina (Penezić & Rogina architects).

Предизвикот на кој работеа студентите беше центарот за култура ,,Григор Прличев’’ во Охрид. Задачата на студентите беше да направат анализи на јавните и приватните простори околу самиот културен центар, кои подоцна ќе ги искористат за да создадат архитектонски елементи кои ќе функционираат како ,,меки’’ простори во градот. Притоа, крајните резултати ќе помогнат културниот центар да добие современа интервенција и адаптација за потребите, како на локалните жители, така и на туристите во Охрид.

Идејните решенија, студентите ги презентираа во самиот центар за култура, а коментарите од страна на професорите го ставија акцентот на посветеноста, знаењето и трудот кој го вложија студентите. Како крајно признание за одработеното беа сертификатите кои ги добија студентите.

Фотогалерија @Сара Коцевска: