Мал базен во Охрид / конкурсен труд – СТОКУЌА
07.08.2015 • XXI век
![](https://marh.mk/wp-content/uploads/2015/08/13.jpg)
Автор : Јелена Андловиц
Фирма: СТОКУЌА ДООЕЛ
Година:
Локација: Билјанини извори -Охрид
Локацијата на објектот е во непосредна близина на Биљанини извори, простор кој е наменет за изградба на спортски објекти каде патната инфрастуктура е развиена што ќе овозможи лесен пристап на пешаци и возила.
Решението на базенот е двовисински објект поставен индивидуално на локацијата. Намената на објектот е за спорт и рекреација, за 150-180 број на корисници. Просторот за седење на сите спортски настани има посебна функционална и просторна целина. Овие простории се димензионирани за 500 посетители. Трибините се поставени по подолгата страна на базенот. На најгорната кота на трибините, централно е обезбеден простор за јавно информирање. Објектот е проектиран по прописи и стандарди кои важат за овој вид на објекти.
Приземјето на објектот е атрактивно и со посебни влезови за спортистите и корисниците на базенот. Во приземјето се јавуваат 5 влезови во објектот од кои 2 водат во главниот хол и се за посетители, 1 води во администрацијата и пратечките простории, 1 води во фитнес центарот и 1 води во прес центарот. Базените се испроектирани со димензии 25х33м и малиот базен 2,5х16м . Базенот е наменет за рекреативно пливање на пливачи и за тренинзи за ватерполо клубови и пливање. Пливањето се одвива по пливачки патеки со должина од 25м. На катот се јавуваат гардеробите и санитариите за пливачите.
Објектот е транспарентен, комуницира со надворешниот простор и има јасно дефинирани комуникации кои обезбедуваат доволен комфор за фрекфренција на голем број на луѓе.
Изгледот на објектот кореспондира со здравиот дух на спортистите. Динамичноста на изразот пред се овозможува зачувување на постоечките визури, но и нивно збогатување со сопствениот модерен израз.
Формата на објектот е приближно правоаголна со создавање на главен централен простор-базен и функции кои се наслојуваат околу него. Холот со двете скалишни јадра придонесува за едноставност и функционалност како и за брза и јасна комуникација.
Поставеноста на базенот овозможува да добиеме слободни фасади и можност за ориентирање на просториите кон надворешноста.
![](https://marh.mk/wp-content/uploads/2019/05/marh-1.png)
Автор на статија: marh