Саат кула – Прилеп / 1858 год.

Ктитор: Саид-ага

Автори/градители:  Коста Лауц и Ристе Тасламиче

Година: 1858

Локација: Центар на Прилеп – Стара Чаршија

Извор: OldPrilep

saat kula prilep7

Саат кулата е изградена во центарот на Старата чаршија во 1858 година, на местото на постара дрвена Саат кула, која што изгорела во пожар, што ја зафатил целата Стара чаршија во 1854 година.

saat kula prilep 1

saat kula prilep 9

Ја изградиле познатите прилепски мајстори, Коста Лауц и Ристе Тасламиче. Кулата е градена на шестоаголна основа со масивни делкани камени блокови во висина од 20,50 метри и скелетен систем од дрвена конструкција. Вкупната висина на објектот е 38,76 м. Интересен податок за Саат кулата во Прилеп е тоа што таа има инклинација од 114,4 см.

saat kula prilep 8

saat kula prilep 3
Во 1985 година, од страна на проф. доктор Борис Чипан е изготвен Проект за конзервација на Саат кулата, кој беше реализиран во текот на 1986 година.

saat kula prilep 5

Во 2010 година институтот за земјотресно инженерство и инженерска сеизмологија од Скопје по барање на прилепскиот Музеј изготви идеен проект за санација и стабилизација на инклинацијата на Градскиот Саат, со што би се спречил прогресивниот процес на навалување.

saat kula prilep 6
Во 2013 година е извршена санација и стабилизација на Градскиот Саат во вредност од 5 милиони денари.

natpis_saat kula prilep

Саат кулата има натпис на влезот:

„Чукањето на саатот не е секогаш означување на времето.
За животот и времето што минува,
саттот жали и вика: Ах!
Новиот саат изграден во 1275 хиџра
(11.08.1858-30.07.1859)
Пожарот се случи 1271 хиџра
24.09.1854-12.09.1855)
Благодарност на Алах“

Преведено од Ахмед Шериф

saat kula prilep 10

Под саат кулата се наоѓа Градска чешма. Според мермерната плоча која е вградена во неа, таа е изградена во 1826 година, најверојатно кога постоела и дрвената кула. Чешмата ја подигнал Саид Ага во 1826 година, а ја обновил Есад Ага во 1836 година а последната поправка на чешмата била извршена во 1896 година.

saat kula prilep9

saat kula prilep 13

Ф.К

Автор на статија: