МАРХ

Работилница: за дизајн на мебел – „Public Room”

Автор: Марија Христовска Стефковска

Година: 2013

Изработка: Дамико

Материјал и техника: ламелирано дабово дрво, изработено со техника на лепење и виткање.

Контакт: www.marijahristovska.webs.com

Столот MOVE е дел од работилницата за дизајн на мебел презентирана на Skopje Design Week 2013. Задачата беше да се дизајнира парче мебел од дрво. Ние архитектите вообичаено работиме по нарачки и ги остваруваме желбите на клиентот. Оваа работилница ја почувствував како посебна прилика да направам нешто што ќе е лично мое, па си ги поставив уште овие услови:

1. Тоа мора да биде стол затоа што столот е најсложеното парче мебел за проектирање. Најсложено затоа што мора да одговори и на естетските и на ергономските услови, значи мора да биде убав и удобен.

2. Дотогаш имав проектирано плочест мебел. Сега сакав да пробам некоја нова технологија на обработка на дрвото.

3. Сакав столот да биде флексибилен, од неколку делови што ќе се комбинираат, но и што може да влезат еден во друг заради заштеда на простор.

На крај од мојата љубов кон дизајнот се роди столот со брановидна форма од ламелирано дрво од три дела.