BERLIN.SCAPES:LAB / DISCURSIVE TURNS

01.07.2015 • Информации

независна студиска програма за студенти и млади архитекти

Платформата SCAPES:LAB (https://www.facebook.com/scapeslab?fref=ts) ги соединува сите капацитети во единствена, колаборативна платформа на интензивно искуство, преку директна соработка со поширокиот круг на институции и бироа, како и останати организации мапирани во изминатиот период, со идеја за остварување на директен контакт со феномените на архитектурата и урбаното планирање. Самата платформа не е поврзана со ниту една академска институција, туку е независна и поткрепена од висококвалитетен методолошки потенцијал за иновација во истражувањето, односно образованието.

Дополнително, нејзиниот регионален карактер (транзициски земји од регионот), вмрежен во интензивна размена со европскиот контекст, овозможува една сложена и значајна мрежа на архитекти/урбанисти, независни истражувачи, активисти, едукатори и академски кадри, како се воспоставува меѓусебна соработка и потенцијални нови проекти. Таквото искуство на директна соработка, работа, дискусија и размена со одредени релевантни автори, проекти, иницијативи, универзитети, концепти и поединечни феномени на професионален план, создаваат огромен придонес во надминување на формалниот академски контекст.

BERLIN.SCAPES:LAB (http://berlinscapeslab.blogspot.com) претставува студиска програма наменета за студенти и млади архитекти, реализирана од Idnet (https://www.facebook.com/idnet.ngo) и Centar Arhitekture (http://centararhitekture.blogspot.com) од Нови Сад, Србија, со поддршка на стотина студенти по архитектура од регионот (Скопје, Бања Лука, Подгорица и Сараево) и останати студенти од релевантни соработници од Германија, Холандија, Шпанија, Франција и Швајцарија.

Надоврзувајќи се на изградените искуства од четирите студиски програми во Холандија 2011 и 2014 FLATscapes (http://centararhitekture.blogspot.se/2013/11/flatscapeslab-40.html ), Шпанија 2012 EScapes (http://centararhitekture.blogspot.se/2012/08/escapes.html ) и Франција, Швајцарија 2013 FrearCH (http://centararhitekture.blogspot.se/2013/07/frearch-draft-plan.html ), во склоп на платформата SPACES:LAB, оваа година за прв пат фокусот е на градот Берлин кој ќе биде модел на истражување за студентите од регионот.

Берлин како град во Германија која е Европски предводник во секој поглед, ја прати таа тенденција надополнет со голем број на историски и идеолошки факти го креира неговиот феномен кој е важно правилно да се прочита и разбере. Град планиран за двојно повеќе жители, познтат по неговата идеолошка поделба, а подоцна и соединување во слободен град-држава, град соединение на бројни класни, економски и политички разлики, град кој претставува голема шанса и предизвик. Преку него можеме да го читаме минатото и сегашноста, но можеби и блиската иднина. Водечки град на светската економија и место од големо геополитичко значење, град кој повеќе од доволно страдал низ историјата, што го создава неговиот широк спектар на промени кои ние денес ги знаеме и кои ќе ги гледаме. Ќе бидеме сведоци и учесници во неговите постојани урбани трансформации, друштвени, политички и културолошки процеси и случувања, бројни иницијативи кои непрестанато го уредуваат големиот (празен) јавен простор и во еден незапирлив процес го создаваат градскиот пејсаж.

Следејќи го концептот на оваа самоорганизирана платформа, Ве повикуваме да се вклучите во нашата регионална истражувачка група како заедно би граделе активна аргументација за феноменолошките и политичките придонеси и случувања, кои сите подеднакво го дефинираат пејсажот на нашите градови. Проучување и мапирање структури кои се вклучени во просторната продукција (архитектура-урбанизам-политика-економија), анализирање различни динамики (време-простор), комуницирање со бројни релевантни соработници и автори, препознавање нови можни тенденции и можеби пронаоѓање на одговорот од прашањето – Што е следно?

За време на строго определената агенда (Јули – Август), синхронизирано ќе создадеме бројна база на податоци која ќе ни овозможи аргументирано да го истражуваме просторот за време на патувањето.