Колекција на фотографии од историските маркери на Скопје / Сувенири Скопје

03.01.2026 • Фотографија

Годинава ја започнуваме со фотогалерија од колекцијата на „Сувенири Скопје“ од историските маркери на Скопје. Идејата е да ја потикнеме свесноста за состојбата на културното наследство на градот кое го дефинира идентитетот и визуелните впечатоци на жителите и посетителите.

Колекцијата е составена од 5 фотографии:

Камен мост;
Скопска тврдина;
Аквадукт;
Саат кула;
Ристиќева Палата.

Од историската линија на градот недостасува мотив од Скупи и можеби Тумба Маџари, но истата секако во иднина ќе се надградува. Идејата зад „Сувенири Скопје“ е пред се сувенир за скопјани, кои треба да го реоткријат градот на кој насушно му треба нашата љубов. Откако ние ќе го забележиме и вистински се грижиме за градот, неговата промоција пред посетителите доаѓа природно и вистински.