KONNTRA добитници на првата награда на конкурсот за дизајн на истражувачки медицински центар во Сплит, Хрватска

26.05.2022 • Информации

Тимот на KONNTRA освои уште едно прво место на јавен архитектонски конкурс во Хрватска. Овој пат станува збор за натпреварот за дизајн на истражувачки медицински центар во Сплит.

Инвеститор и распишувач на конкурсот е Клиничкиот болнички центар во Сплит, а организатор е Друштвото на архитекти на Сплит.

На конкурсот кој траеше од 09.02.2022. дo 10.05.2022. пристигнаа 13 трудови од кои 5 беа наградени.

Проектот на KONNTRA под шифра „4“ е награден со првото место.

Негови автори се м.и.а Силвија Шалева, м.и.а Мирјана Лозановска, м.и.а Ерик Јуришевич и м.и.а Ирена Маџер Хрануели, а нивни соработници беа студентите Димитар Милев, Тамара Џерков и Емилија Алексијоска.

Огромни честитки до целиот тим!