МАРХ

Македонскиот салон во некогашната Палата Југославија / Белград

29.01.2022 • Ентериер и мебел Од регионот

Година на изградба на објект: 1948-1961

Автор на архитектонско решение:  Владимир Поточњак

Автор на ентериер на Македонскиот салон: Драган Бошнакоски

Извор: www.spomenikdatabase.org

Инзвонредната нет страна spomenikdatabase.org пред неколку дена објави напис „An Artistic Guide to the Salons of the Palace of Serbia“ , кој се однесува на архитектурата и уметноста на некогашната Палата Југославија.

По својата големина и внимателноста на пристапот на проектантот и соработниците, објектот  претставува ремек дело. За пофалба е неговата сочуваност во оригиналната форма.

Југословенската федерација како заедница на 6 републики, во палатата реализирала 6 различни салони, чии ентериери ги реализирале архитекти од секоја република.

Некогашна Палата Југославија, денес Палата Србија

Фото: Stef Hoffer

Во фокусот на нашата објава е македонскиот салон,  пренесувајќи го парафразиран делот од текстот што се однесува на него:

Еден од атмосферски најпрепознатливите простори од оваа серија на соби е Салонот Македонија (познат и како „Црвен салон“), до кој се пристапува преку Салонот на Црна Гора.

Салонот е дизајниран од македонскиот архитект Драган Бошнакоски. Просторот е далеку потемен во споредба со останатите,  со порелаксиран амбиент, инспириран од „меаната“, традиционален тип на ресторан или таверна што сè уште може да се најде во македонските села и градови. Во духот на меаната, просторијата е опкружена, делумно, со богати дрвени облоги на ѕидовите, разбиени со бели малтерисани ѕидови над вградениот брег на длабоко обложени црвени софи. Таванот на салонот е особено уникатен, обложен во дрво со испреплетена геометриска шема на дијаманти, сите обоени во длабока боја што се вклопува со дрвените облоги околу ѕидовите на собата.

Фото:  Сања Вељковиќ

Во просторот внесена е рустикална топлина преку црвениот бордо тепих кој се протега од ѕид до ѕид, во чиј центар е традиционален македонски дезен со син медалјон. Од  дрвената таваница виси сет од три сложени лустери кои се изразито модерни, но, во исто време, го повикуваат традиционалниот стил на керозински светилки што може да ги најдете во внатрешноста на старите меани исполнети со чад.

Последниот елемент кој придонесува за традиционалната атмосфера на овој салон е нежната метална преграда на влезната врата спроти розетите. Ситно исечениот екран се одликува со геометриски шестоаголник составен од стотици форми „М“, кои без сомнение го претставуваат името „Македонија“.

Поглед на парот резбрани розети во дрво во салонот Македонија

Фото:  beotura.rs

Централниот уметнички белег на ѕидовите на овој салон се пар розети од дрво, широки 2 метри, обесени заедно на задниот ѕид од собата. Овие извонредни мајсториски дела се од занаетчиското училиште на Славе Атанасовски Крстанче од Дебар и ја покажуваат вештината на резбарите по која регионот е високо познат. Исто така, на ѕидот над брегот на црвените софи има планинско пејзажно сликарство на македонскиот уметник Лазар Личеноски, кој е заслужен како еден од првите словенски импресионистички сликари, опишан како „еден од најавтентичните македонски сликари на пејзаж. “. Во однос на уметноста, скулптурата, изработката и мебелот во овој салон, секое парче е создадено од уметници и занаетчии со македонско потекло. Всушностова е единствениот салон во, денес Палатата Србија, во кој ексклузивно се одржуваат уметности и занаети само од уметници од регионот на кој е посветен салонот.

Општо земено, уредувањето на овој салон е наменето за мали конференции, со долга маса за состаноци поставена во неговиот центар. Неговата намена може да се адаптира и за сместување на гостите и достоинственици за време на владините состаноци и настани.

Текстот е дел од оригинален напис на  Доналд Небил објавен на страната spomenikdatabase.org , каде можете детално да  се информирате за овој маркантен објект  >>>