Павел Балабанов / 1942 – 2017

29.03.2021 • Автори

„Само пpед само неколку дена “Ресторанот Парк” дело од особена важност за Македонската архитектура, беше срушен по само 30 години од неговото градење. Неверојатно е што институциите не ја препознаа оваа архитектонска вредност на време, и дозволија еден ваков споменик да биде избришан од силуетата на Охрид. ,,Мислевме дека можеме да живееме заборавајќи. Време е да почнеме да помниме”, се зборовите со кои арх. Мери Батакоја ја потенцира важноста на препознавањето на вредните архитектонски дела.

Куса биографија

Павел Балабанов е роден 1942 година во Охрид. Завршува архитектура на архитектонскиот факултет во Белград под водство на Проф. Станко Мандиќ каде и дипломира во 1970та година. По дипломирањето се враќа во родниот Охрид каде започнува со работа во Заводот за урбанизам и архитектура – Охрид каде останува активен до 1991 година. Потоа ја формира Архитектонската работилница „Балабан и партнери“ која постои до 2012 година.

Награди и признанија:

– 1980 – Републичка награда за најуспешно архитектонско остварување во Македонија за ОУ „Свети Климент Охридски“ во Охрид

– 1980 – Сојузната награда за архитектура во Југославија “Борба” за ОУ „Свети Климент Охридски“ во Охрид

– 1989 – Специјалното признание на Биеналето на Македонската архитектура за Ресторан и дискотека „Парк“ во Охрид

Позначајни реализирани дела:

– 1980 – ОУ „Свети Климент Охридски“ во Охрид

– 1981 – Завод за урбанизам и архитектура во Охрид

– 1983 – ОУ „Христо Узунов“ во Охрид

– 1984 – Трговскиот центар „Гевгелија“ во Гевгелија

– 1989 – Ресторан и дискотека „Парк“ во Охрид

– Фабриката „Агроплод“ во Ресен

– Проект за кампот „Ливадиште“ во Струга