Спомен куќа – Тоше Проески / SYNDICATE Studio

18.02.2015 • XXI век

Тип: Меморијален центар,

Локација: Kрушево,

Автори: Дејан Секуловски, Дејан Спасеновски, Илија Божиновски (Syndicate Studio)

Година: 2011

Контакт (веб страна): http://www.syndicatestudio.mk/index.html

Со задоволство го објавуваме проектот за спомен домот на Тодор Проески во Крушево. Проектот е на Синдикат Студио од Скопје, притоа добитник на повеќе домашни и интернационални награди и признанија.

На 20ти февруари, 2015 год. на свеченото отворање на изложбата на АСА (Асоцијација спрских архитеката), ќе биде доделена уште една награда на тимот на Синдикат Студио , која го носи името„Милан Злоковиќ”.

ААМ (Асоцијација на архитекти на Македонија), ја предложи оваа реазлизација како официјален претставник на Македонија. Првото место, Синдикат Студио, го делат со „ADN BIROU DE ARHITECTURA“, автори на проектот за „Станбен комплекс во Букурешт“.

Оваа награда се доделува во чест на архитектот Милан Злоковиќ, чив објект „Метропол” , спомен на скопската модерна, му се заканува рефасадирање а со тоа и уништување.

Да се надеваме дека оваа награда, и сите останати кои беа доделени на спомен домот на Тодор Проески, ќе ги разбуди одговорните во Македонија, да почнат успешно да ја перцепираат вредноста на современите објекти, а преку тоа и вредноста на нивните претходници ( делата од модерната и постземјотресната архитектура).

Честитки до тимот!

Ве охрабруваме да продолжите да творите во духот на времето!