МАРХ

Во Старата скопска чаршија не престанува изградбата на нови објекти!

28.06.2021 • Информации

Викендов повторно бевме сведоци на активност во Старата скопска чаршија.  Објекти кои евидентно се узузрпатори на просторот се оние со хотелските и угостителските содржини.

На хотелот „Буши“ очигледно  не му беше доволна изградбата,  во моментов надоградува поткровје  за проширување на капацитетите.

До хотелот „Арка“ веќе е изграден хотелот „Premium“, кој има 4 нивоа над фасадниот венец, а до него целосно е срушен соседниот објект и приземно во карабина е издигнат новиот. Тековно вртат бетономешалки  и присутни се работници.

Хотелот „Premium“

Неодамна бевме сведоци и на рушењето на легендарниот објект на „Менада“ и неколку објекти во средиштетото на чаршијата,  додека во блиското минато се случи изградбата на плоштадот „Скендербег“ непотребно наметнувајќи се врз комплексот „Караорман“   и изградбата на Портата кон Бит Пазар.

Чаршијата со тековните и претходните  интервенции

Како за никој друг простор во Скопје, активностите во чаршијата се премолчуваат и се на очиглед аминувани од некого.

СИТУАЦИЈАТА Е АЛАРМАНТНА!