МАРХ

Главен проект за плоштад „Македонија“ / Балкан Консалтинг 2003

09.10.2015 • XXI век

носечката фотографија на објавата е позајмена од македонските блогови

ПАРТЕРНО УРЕДУВАЊЕ НА ПЛОШТАД “ МАКЕДОНИЈА ”

Инвеститор : ГРАД – СКОПЈЕ

Година на проектирање : 2003 – 2004 год .

Проектанти: Роска Алчевска, Блашко Велков, Митко Цветковски, Емил Николов, Петар Анастасов, Златко Цековски

Извор: АСК 2003,  www.balkan-consulting.com

Главниот проект за партерно уредување на Плоштадот “ Македонија ” со искажан респект кон понуденото конкурсно Идејно решение за истиот , го интегрира техничкото изведбено решение кое е предмет на овој проект .

Децентрализацијата на Плоштадот го интегрира истиот со околината без нарушување на основната волуменска геометрија која го формира како јавен отворен простор .

Партерното уредување на Плоштадот се одликува со шематски код на композиција во третманот на обработка на поплочувањето со природен камен и со сложена композиција во третманот на градските активни содржини ( фонтана , енклави на збиднувања , споменични обележувања и современо електрично осветлување ) кои се погодни за обавување на функциите со традиционален , социјален , рекреативен и манифестационен карактер .

Плоштадот “ Македонија ” станува градско и републичко место со доминантна мултифункционална содржина , со своја сопствена снага и силна рефлексија врз останатите урбани простори .

Просторните рамки на Плоштадот обезбедуваат посебна автентичност за нивото на оптоварена историчност како и високо ниво на композиционо единство со магнетизмот што во себе ги содржи величенствениот споменик на културно наследство Скопскиот Камен мост и експонираната староградска архитектура на Ристиќевата палата со околната урбана улична архитектура . Вкупната површина на партерното уредување е 15.000,00 м².