Отворена изложбата по повод 25 години награда „Андреја Дамјанов”

13.05.2015 • Изложби Информации

Вчера во Музејот на град Скопје, се отвори изложбата која го одбележува јубилејот 25 години награда „Андреја Дамјанов”. На изложбата се поставени 25 плакати, со кратки биографии, вклучувајќи го творечкиот опус и фотографии од реализирани дела, на сите добитници на оваа награда за животно дело. Во чест на нивното дело и придонес кон современата македонска архитектура, ААМ им додели официјални благодарници на добитниците или членовите од нивните фамилии. Оваа прекрасна изложба, исклучиво битна од хронолошки аспект, која нуди одлична можност да ги запознаеме великаните на домашната сцена, е клучна порака за тековните случувања во областа на архитектурата. Тековната архитектура во Скопје, не е споредлива со современоста на едно одминато време.

За жал, изостави масовната посетеност на студентите, колегите, професорите, како и присуството на медиумите. Оваа награда е престиж и животно признание од фелата, но за да остане таму треба вистински да ја уважиме со присуство и подршка.

Изложбата беше официјално подржана со скромен придонес и од тимот на МАРХ. Споделуваме фотогалерија од вчерашниот настан: