Црква „Св. Мина“ / 1902
22.07.2021 • ХХ век / I половина
![](https://marh.mk/wp-content/uploads/2021/07/217683913_4444354378922240_601579809507757512_n.jpg)
Година: 1902
Локација: Скопје
Црквата „Свети Мина“ во Скопје постоела се до 1963та година . Се наоѓала веднаш до стариот соборен храм „Света Богородица”.
Изградена била во 1902 година под влијание на грчката (односно влашката) и српската пропаганда. Во периодот на Првата светска војна била претворена во коњска штала.
![](https://marh.mk/wp-content/uploads/2021/07/Drawing1-Model_page-0001.jpg)
На идеја на Митрополитот скопски Јосиф и директорот на банката „Вардар“, Милан Јовановиќ-Стојмировиќ, биле урнати двете кули на црквата. Во 1935 година била обновена и претворена во Црковен музеј на Скопската епархија. Имала 250 м2 корисна површина и во неа требало да се чуваат икони, фрески и други реликвии.
![](https://marh.mk/wp-content/uploads/2021/07/217390901_4444354435588901_4222463962819134666_n.jpg)
Комплетно настрадала во земјотресот во 1963 година. Оваа црква за МПЦ-ОА е значајна, бидејќи во неа е донесена oдлуката за самостојност на МПЦ – потврдена преку отслужувањето на заедничка архијерејска литургија со српскиот патријарх Герман, на 19 јули 1959 година.
Истовремено е извршена и хиротонија на преспанско-битолскиот владика Климент (Трајков). Постои иницијатива да се возобнови црквата, или евентуално целиот комплекс како музеј.
![](https://marh.mk/wp-content/uploads/2020/06/martina-marh-Copy.jpg)
Автор на статија: Martina Shteriova