Македонските градежни активности на блискиот Исток

16.08.2023 • Интервју

Во денешната објава ви го проследуваме интересниот видео прилог од архивите на ТВ Скопје од 1977 година во кој се направени неколку интервјуа со македонските градители и инженери кои во времето на снимањето на емисијата работат во Ирак.

Познато е дека градежните претпријатија во Македонија биле ангажирани на повеќе странски проекти во кои учествувале илјадници југословенски работници, како и голем број на високо стручни техничари, архитекти и градежни инженери.

Ова е ретка шанса да се увиди во оној не толку познат дел од македонското градителство – перспективата на работниците кои одат на печалба во непозната земја, со различна култура и обичаи. Ова не го напоменуваме без потреба бидејќи денес секој во професијата може да забележи на се поголемиот одлив на работници од нашата држава.

Со оваа објава упатуваме и покана доколку некој од нашите читатели го препознаваат комплексот на објекти прикажан во ова видео, да ни пишат повеќе информации и со тоа потенцијално да направиме објава за истиот.