BIGSEE со награди за современата македонска архитектура

11.04.2019 • Информации

BIG SEE претставува платформа, која ги препознава достигнувањата и потенцијалот на повеќе сфери во повеќе полиња, од архитектура и дизајн до уметност, култура и стил на живеење, спорт, наука, образование и политика, бизнис, патување и храна .

BIG SEE е позиционирана со седиште во Љубљана, Словенија, со таргет на Југоисточна Европа или поточно 19 земји, и тоа: Албанија, Австрија, Бугарија, Босна и Херцеговина, Кипар, Чешка, Грција, Хрватска, Италија, Унгарија, Косово, Македонија, Молдавија, Црна Гора, Романија, Словачка, Словенија, Србија и Турција.

Секоја година, во различни категории на креативност, BIG SEE има за цел да ги истакне најдобрите и притоа презентира на пошироката јавност, доделувајќи им признанија. Преку тоа да стане мост и да ги поврзе бизнисите да работат заедно и постигнат повисоки вредности во полињата на интерес.

Оваа година, во категоријата архитектура, платформата награди четири македонски проекти во различни подкатегории, и тоа:

Куќа за двајца / Радиус архитекти/ Категорија: индивидуално домување

Автори: Александар Наумчевски, Мартин Пановски, Јана Гугуловска Ѓорѓевиќ, Душица Диновска Пановска

Фото: Васе Аманито