SOUNDING BOARD MEHANIKA

14.10.2025 • Информации

Датум: Вторник, 14.10.2025

Локација: Хала Механика, Никола Парапунов 43, Скопје

Време: 16:00 – 23:00

Отворен јавен настан

Настанот е насловен “SOUNDING BOARD MEHANIKA” и ќе се одвива во вторник на 14.10.2025. Темите на настанот се: трансформација на стари индустриски комплекси, реискористување и вреднување на постоечките квалитети како и генерирање на културна инфраструктура. Целта на настанот е информирање на јавноста со процесите при ваков тип на проекти како и запознавање со капацитетите на халата. Идејата е отворен и холистички пристап во процесот на проектирање, со цел генерирање на простор со јавен и културен карактер.

Организиран од страна на архитектонско студио к87а во партнерство со АД Гранит Скопје, со финансиска поддршка од Швајцарската агенција за развој и соработка (SDC) и поддржано од Европската иницијатива HouseEurope!.

ПРЕДАВАЊА:

“Sulzer Areal, City of Winterthur — Switzerland: Two Ways of Developing an Industrial Area, and One Example” – Штефан Медер, архитект, „Mäder+Mächler Architekten“, Цирих, консултант во проектот за Механика, ќе презентира за начинот на трансформација и адаптација на „Sulzer-Areal“ во Винтертур, Швајцарија.

„From Toni-Areal to Stadtfabrik“ – Бјорн Римнер, партнер во „EM2N Architekten“, Цирих, ќе презентира за процесите при адаптација и реупотреба на големи комплекси како во примерот на „Toni-Areal“ во Цирих.

ИЗЛОЖБИ:

Во склоп на настанот, ќе има изложба со 3Д модел и графички материјали од халата – к87а и изложба на проектот ФАБ-ЛАБ на проф д-р Горан Мицковски од Архитектонски Факултет Скопје (УКИМ), кој вклучува графички материјал и 3Д модели од 20 природно осветлени фабрики во Македонија.

ПЕРФОРМАНСИ:

Музички перформанс во живо на артистот Александар Гроздановски- Херцел (HRZL- ambient/downtempo live set / herzel-DJ set)

***Како дополнителен дел на програмата на настанот ќе има поп-ап бар на Котур/Мис Стон/ Вело кафе.

АГЕНДА

16:00 – 23:00 – Pop-up бар (Kotur / Miss Stone)

17:30 – 18:00 – Воведни обраќања

18:00 – 20:30 – Предавања и изложби

20:30 – 21:30 – HRZL ambient/downtempo live set

21:30 – 22:30 – Herzel DJ set

ПРЕДАВАЧИ:

1.Стефан Медер (Mäder+Mächler Architekten, Цирих) 

“Sulzer Areal, City of Winterthur — Switzerland: Two Ways of Developing an Industrial Area, and One Example”

Швајцарскиот архитект Стефан Медер (р. 1951, Kirchberg SG) дипломиран на ETH Zürich и ко-основач на Mäder Mächler Architekten (1988). Со повеќе од четири децении искуство, неговата работа се карактеризира со прецизност и чувствителност кон контекстот. Бил директор на Школата за архитектура во Винтертур, а меѓу неговите најзначајни проекти се Школата за социјална работа во Цирих и Винаријата Herzog во Нов Зеланд. Неговите проекти се изложувани низ цела Европа, истражувајќи ја рамнотежата меѓу индустриското наследство и современата архитектонска обновa.

Бјорн Римнер (EM2N Architekten, Цирих)

„From Toni-Areal to Stadtfabrik“

Германскиот архитект Бјорн Римнер (р. 1978, Тибинген) е партнер во EM2N AG, Цирих — студио познато по урбани трансформации и културни објекти. Од 2006 година е дел од EM2N, по искуството во UNStudio во Амстердам и Штутгарт. Римнер има клучна улога во проекти како Toni-Areal — индустриски комплекс пренаменет во универзитет и културен центар. Од 2008 година предава на меѓународни платформи, активно придонесувајќи кон современиот дискурс за адаптација и повторна употреба на архитектонски структури.

ИЗЛОЖБИ

1.Горан Мицковски (АФС-УКИМ, Скопје) Fab-Lab Naturally Lit Factories

Проф. Д-р. Горан Мицковски од Архитектонскиот факултет при УКИМ, Скопје се фокусира на индустриската архитектура, трансформацијата на индустриското наследство и современите индустриски типологии. Неговата изложба ги истражува фабричките хали со природно осветлување и нивниот потенцијал за современа архитектонска интерпретација.

K87A (Архитекти, Скопје)

Sounding Board Mehanika

к87а, архитектонско биро од Скопје составено од Максим Наумовски, Мирослав Пејовски и Павел Велјановски, ќе претстави инсталација инспирирана од темата на настанот. Студиото комбинира практична работа и академско истражување, при што пристапот се заснова на аналитичко разбирање на постоечките услови и развивање на јасни просторни и конструктивни системи кои одговараат на контекстот. Со Sounding Board Mehanika, тие ја претвораат самата хала во експонат — жив пример за повторна употреба на индустриски простор.

ПЕРФОРМАНСИ

Herzel (Александар Гроздановски) е препознатливо име на домашната и меѓународната електронска сцена, со изданија за Hivern Discs, Uncanny Valley, Compost Records, Biologic и Charlois (Pinkman). Неговата музика ја поддржуваат Sven Väth и John Talabot, а често се емитува на BBC, Red Bull Radio, NTS и Ibiza Global Radio.
Како коосновач на музичката издавачка куќа Bran и резидент на Refuge Worldwide Radio во Берлин, каде ја води својата емисија „Traga“, Herzel постојано ја истражува врската меѓу просторот, звукот и емоцијата.