Job Fair – Саем за вработување и кариера

09.03.2015 • Информации

Job Fair – Саемот за вработување и кариера, ќе се одржи од 9-11 март на Градежниот и Архитектонскиот факултет, и подоцна од 5-7 мај на Kомплексот Tехнички факултети и-како новитет годинава- на Факултетот за Дизајн на мебел и ентериер . Саемот за вработување и кариера – Job Fair е саем кој има за цел да оствари контакт помеѓу студентите и компаниите. Како бренд на студентската организација Борд на Европски Студенти по Технологија – БЕСТ, во Скопје е препознатлив веќе 11 години.

Студентите, преку оставање на своето CV, имаат шанса да добијат работа или пракса, во една од водечките фирми во Македонија, согласно со нивната област на стручност.

На саемот ќе имаат шанса и да разговараат со некои од најуспешните претставници на компаниите и лично да го презентираат своето CV, како и да присуствуваат на разни обуки и презентации. Саемот претставува одлична шанса студентите да се информираат подетално за работата на своите потенцијални идни работодавци, за најразлични пракси, стипендии и потребен работен кадар. Компаниите пак, имаат шанса да стапат во личен контакт со квалификувани и способни млади студенти со кои во иднина би соработувале.

Сите заинтересирани можат да го остават своето CV на официјалната страна на Job Fair www.jobfair.org.mk каде што можат да најдат подетални информации за команиите учеснички како и да се пријават за предавањата и презентациите.

Ве очекуваме!

———————————————————————————————————————————————

официјално обраќање од БЕСТ

Фотографии од настанот (Борис Јурмовски):