МАРХ

Детска градинка во Мојковац / Ивановска

02.07.2016 • ХХ век / II половина

Детска градинка: “Јевросима Рабреновиќ“

Локација: Мојковац , Црна Гора

Автор: Снежана Ивановска

Година на проектирање: 1986

Година на изведба: 1987

Изведувач: ГРО „Пелагонија“ ООЗТ V градилиште – Скопје

Извор: Бимас 1987

Објектот претставува проширување и доградба на постојната детска градинка “Јевросима Рабреновиќ – Јевра“ во Мојковац. Сместена во станбена зона на градот. Предвидено е објектот да се гради во две фази.

Во првата фаза е предвидена изградба на простории за престој за деца од предучилишната возраст (3-7 год.) Во оваа фаза се проектирани:  влез со тријажа, три занимални со простори за гардероби, санитарни простории, централен хол-поливалентен простор, трпезарија која со монтажно-демонтажна преграда е поврзана со централен простор, главна кујна со потребните економски простории и посебен економски влез.

Во втората фаза е предвидена изградба на фискултурна сала за игра на децата, административни простории, просторија за медицинска сестра и потребните санитарни простории.

Како посебен објект од градинката се проектирани склад за јаглен и котларница.

Ф.К