МАРХ

Објавени резултатите од Конкурсот за Младински Културен Центар во Охрид

14.07.2026 • Информации

Коалиција СЕГА, во рамки на Програмата на Младинскиот Културен Центар за 2025–2026, финансирана од Општина Охрид, ги објави најдобрите идејни архитектонски решенија за реконструкција и адаптација на поранешната менза во Касарна „Михајло Апостолски“ во современ, функционален и инклузивен Младински Културен Центар!

Прва награда (220.000 денари)
Автори: Дарко Христов и Тамара Џерков (со соработници: Анастасија Ташковиќ, Симона Радичевска и Горазд Коцев)

Втора награда (120.000 денари)
Автори: Марија Милошевска и Бојана Исијанин

Трета награда (60.000 денари)
Автори: Јована Нецева, Бранкица Митевска и Марија Трајковска

Како што велат од организаторите, на конкурсот се пријавиле голем број на проекти од архитекти и студенти од државата и регионот. Презентацијата на трудовите и доделувањето на наградите треба да се реализира во рамки на Неделата на Млади и Меѓународниот ден на младите во август 2026 година.

Конкурс за идејно решение за адаптација на дел од касарната Касарна „Михајло Апостолски“ – во функционален и репрезентативен младински културен центар во Охрид