МАРХ

Спомен Костурница во Струмица / Благој Колев 1979 – 1982

27.07.2024 • Информации

Проектант:  Благој Колев

Година:  1979 – 1982

Локација:  Струмица, рид Самораница (327 метри надморска висина)

Спомен Костурницата во Струмица е дело е на архитектот Благој Колев и е свечено отворена на  4 јули 1982 година, кога биле пренесени моштите на загинатите борци во НОВ и истите биле положени во саркофагот во Костурницата. Во саркофагот се наоѓаат посмртните останки на: Благој Јанков – Мучето, Герас Цунев, Сандо Масев, Васил Сурчев, Киро Абрашев, Иљо Шопов, Јанко Цветинов и Димитар Цветинов.

Вгнездена во подножјето на Беласица. костурницата со план на отворен амфитеатар се отвара кон градот Струмица. Несомнено ридот Самораница со висина од 327 е избран со замисла која го наведува посетителот низ скали и приод поплочен со калдарма, каде истиот е поминува низ еден „тежок пат“ низ темнината за на крај да пристигне до светлата отворена површина, која се отвара кон Струмица. Истото е дополнително засилено со користењето на белиот мермер за како завршна обработка. Аулата има 2 врати влез – излез и е во форма на полукруг, осветлена од три странични прозора и еден централен.

Пишаните стихови пред влезот во аулата се на Коце Солунски: Татковино огниште разгоривте, древни темели зацврстивте, простор немирлив засводивте, во својата срцевина.

Костурницата е вклучена во Списокот на Културно наследство на Македонија. Според Музеј на град Струмица во момент се изработува проект за негова конзервација и реставрација од страна на стручен тим од НУ Завод и музеј – Струмица,, објави  Завод и Музеј Струмица.

Авторот на фотографиите е Арх. Паолина Милушева