МАРХ

Терацотo како безвременски материјал повторно го освојува дизајнерскиот свет

29.07.2025 • Градежни материјали Ентериер и мебел

Во современиот архитектонски пејзаж, каде трендовите се менуваат речиси преку ноќ, малку материјали ја имаат способноста не само да преживеат, туку и одново да го фасцинираат светот. Еден од нив е терацото – материјал кој повторно го освојува глобалниот дизајнерски простор со својата елегантна безвременост, издржливост и разновидност во примената.

Трендот на враќање на терацото не доаѓа случајно. Со потекло од Венеција, срцето на италијанскиот дизајн, терацото отсекогаш бил симбол на софистицираност и трајна убавина. Денес, благодарение на Agglotech – водечкиот европски производител на терацо од Верона, Италија, овој извонреден материјал доживува нова ера на популарност во архитектонската индустрија.

Agglotech својот успех го темели на спојот на традиционалните италијански занаетчиски вештини и најсовремената индустриска технологија, создавајќи терацо производи кои се истовремено естетски неповторливи и технички супериорни. Компанијата користи 100% природни материјали – мермерна гранула, бел цемент и вода, без вклучување на смоли или вештачки компоненти, што резултира со производ кој е исклучително издржлив, еколошки прифатлив и негорлив (со највисок А1 противпожарен сертификат).

Agglotech не поставува граници во дизајнерската слобода. Со неверојатна база од над 4.000 уникатни бои, текстури и комбинации, секој проект добива можност за персонализација и уникатност. Без разлика дали е потребна минималистичка елеганција, графичка впечатливост или винтиџ ретро призвук, терацото на Agglotech ги исполнува и најстрогите барања на современиот архитектонски и ентериерски дизајн.

Доказ за квалитетот и популарноста на овој материјал е неговата широка примена во најпрестижните архитектонски објекти низ светот, вклучувајќи бутици на глобални брендови како Valentino, Armani и Apple, како и луксузни хотели, елитни универзитети, јавни институции и културни центри. Со тоа, терацото станува симбол на модерна естетика и врвен стил во архитектурата.

За архитектите и инвеститорите во Македонија, овој премиум терацото сега е на дофат на раката преку ексклузивното партнерство помеѓу Agglotech и LuxFloors. LuxFloors, како застапник на Agglotech на македонскиот пазар, овозможува целосна поддршка – од селекција на материјалите и технички консултации, до реализација и логистика, гарантирајќи врвен резултат и автентично италијанско искуство при секоја примена.

Токму затоа, повторното враќање на терацото не е само минлив тренд, туку и јасен знак дека добриот дизајн е вечен.

📩 Повеќе информации: luxfloors@damfil-ing.mk | www.luxfloors.mk