Завршена е конзервацијата, реставрацијата и санацијата на „Споменикот на слободата“ во Кочани

11.12.2024 • Информации

Денес имавме чест да бидеме сведоци на еден вонреден и пионерски зафат во Македонија, а тоа е да доживееме конзервација и реставрација со санација на едно исклучително архитектонско-уметничко спомен одбележје „Споменикот на слободата“ во Кочани.

Проектот започна уште во 2018та година, со помош на Американската Амбасада (амбасадорски фонд) и опфати интервенција на архитектурата и мозаиците на споменикот.

Фото: Сања Раѓеновиќ

Овој комплекс е дело на архитектот Радован Раѓеновиќ и уметникот Глигор Чемерски, проектиран меѓу 1975 -1977 година, додека свечено пуштен во 1981 година.

Фото: Сања Раѓеновиќ

Се надеваме и посакуваме овој проект да биде вовед во една серија на проекти кои ќе го заштитат модернистичкото монументално културно наследство на Македонија.