МАРХ

Градежни конструкции 1 / Софија Киселичка

29.02.2016 • Литература

Автор: Софија Киселичка

Година: 1974

Приложено реиздание: IV издание, „Просветно дело“ Скопје, 1991

Намена:  за градежните технички училишта

За сите што завршиле средно „ГУЦ“ овој наслов сигурно им е добро познат. Средното градежно училиште „Здравко Цветковски“ во минатото, за разлика од факултетите, можеше да се пофали со стручна литература на македонски јазик по повеќе предмети.

Еден од тие наслови е „Градежни Конструкции 1“ од  дипл. инж. арх. Софија Киселичка, кој се изучуваше по предметот „Конструкции“. Во истиот се презентирани  рачно изработени  цртежи и теорија за основите во градежништвото, дефиниции и формули за пресметување, кои се од особено значење за архитектите. Оние кои учеле архитектура во средно училиште, знаат дека се она што се изучуваше во првата година на Архитектонскиот факултет, беше повторување и консолидирање на знаењето стекнато во„ГУЦ“.

Основните технички запознавања со претставувањето и перцепцијата на основите и пресеците, проекциите и перспективата, се дел од овој учебник. Особено значајно е општото запознавање со градежните материјали, што е сеуште рана за факултетите.

Некои од приложените извадоци ја покажуваат одмереноста на информациите и поентирањето на она што е клучно за темата. Истата литература е одличен потсетник за оние кои се оддалечиле од струката.

Изданието има и свое продолжение „Архитектонски конструкции“ 2, кое ќе биде предмет на некоја следна објава.

Ф.К