МАРХ

Изложба „БЕТОНСКО СКОПЈЕ“

28.07.2023 • Изложби

По повод 60 годишнината од катастрофалниот земјотрес што го погоди Скопје, на 26ти јули 2023 година, во Галерија 2 при Младинскиот културен центар во Скопје, се отвори изложбата „Бетонско Скопје“ како дел од проектот „60 години од 5 и 17“.

Изложбата ги опфати сите 34 фотографии, кои се дел од збирките разгледници издадени во 3 дела, од 2018 до 2022 година, реализирани со поддршка на градот Скопје и МКЦ, додека изложбата беше поддржана финансиски од страна на Министерството за култура.

Проектот е авторство на Филип Конески, додека фотографиите се работени во коавторство со Борис Јурмовски. Целта на проектот беше актуелизирање на постземјотресното градителско наследство на Скопје, во кое главниот материјал е бетонот. Од него се создаде сувенир кој излегува од традиционалната рамка, насочен кон една архитектонска перспектива во кое се приложени податоците на изведба и реализација на објектите како и имињата на авторите, со што се придонесува кон општата промоција на македонската архитектура.

За збирките разгледници можете подетално да се информирате на следните нет врски :

• https://marh.mk/betonsko-skopje/
• Бетонско Скопје 1
• Бетонско Скопје 2
• Бетонско Скопје 3

Им се заблагодаруваме на Министерството за Култура и безрезервната поддршка на Младинскиот културен центар, како и на сите посетители кои не почестија со нивното присуство!

Фото: Борис Јурмовски, Филип Конески